काभ्रेमा सवारी दुर्घटना, एक जनाको मृत्यु

काठमाडौँ- काभ्रेको पाँचखाल नगरपालिका-८ स्थित पचास किलोमा सवारी दुर्घटना हुँदा एक जनाको मृत्यु भएको छ । भने, दुर्घटनामा एक जना घाइते भएका छन् ।

मंगलबार दिउँसो पौने ४ बजेतिर दोलालघाटबाट जिरो किलोतर्फ आउँदै गरेको बा.प्र. ०२-०३४ प. ३३२१ मोटरसाइकल अनियन्त्रित भई विपरीत दिशाबाट आएको बा.३ ख. ७२०४ नं. को मिनीट्रकसँग ठोक्किएर दुर्घटना हुँदा मोटरसाइकल चालक सिन्धुपाल्चोकको ईन्द्रावती गाउँपालिका-७ का २८ वर्षीय मुरारी कार्कीको मृत्यु भएको जिल्ला प्रहरी कार्यालय काभ्रेले जनाएको छ ।

---

दुर्घटनामा गम्भीर घाइते भएका कार्कीको उपचारका क्रममा धुलिखेल अस्पतालले अपराह्न सवा ४ बजेतिर मृत घोषणा गरेको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक राजकुमार श्रेष्ठले बताए । उनका अनुसार मोटरसाइकलमा पछाडि सवार सिन्धुपाल्चोक जिल्लाको ईन्द्रावती गाउँपालिका-७ का २८ वर्षीय राजन दंगाल घाइते भएको र उनको धुलिखेल अस्पतालमा उपचार भइरहेको छ ।

दुवै सवारी साधन र मिनीट्रक चालक काभ्रे भुम्लु गाउँपालिका-४ का २४ वर्षीय पूर्णबहादुर प्रहरीलाई नियन्त्रणमा लिई अनुसन्धान थालेको जनाएको छ ।