पाल्पामा जीप दुर्घटना हुँदा ८ जनाको मृत्यु

काठमाडौँ- पाल्पाको चिदिसामा जीप दुर्घटना हुँदा ८ जनाको मृत्यु भएको छ ।

आज केहीबेरअघि मात्र दुर्घटना भएको जिल्ला प्रहरी कार्यालय पाल्पाका सूचना अधिकारी तथा प्रहरी नायब उपरीक्षक सुगन्ध श्रेष्ठले इकागजलाई बताए ।घटनास्थलबाट ८ जनाको शव भेटिएको उनले जानकारी दिए  ।

---

उनका अनुसार जीप सडकबाट अन्दाजी ३ सय मिटर तल खसेको हो । डिएसपी श्रेष्ठ आफैँ घटनास्थल पुगेका छन् । प्रहरी र स्थानीयले घटनास्थल पुगेर उद्धार गरिरहेका छन् । कति जना घाइते छन् भन्ने कुराको यकिन हुन सकेको छैन ।

थप विवरण आउन बाँकी छ ।