डोटीमा बाघले ९ वटा बाख्रा मार्‍यो

धनगढी- डोटीमा बाघले ९ वटा बाख्रा मारेको छ । जिल्लाको जोरायल गाउँपालिका वडा नम्बर ६ गावरमा बाघले खोरमा पसेर सबै बाख्रा मारेको हो ।

सोमबार राति स्थानीय धर्मादेवी साउँदको घर नजिकैको बाख्रा खोरमा बाघ पसेर खोर नै रित्याइदिएको छ । ९ वटा बाख्रा रहेको खोरमा बाघले सबै बाख्रा मारेको हो । राति पसेको बाघले बाख्राको घाटीबाट रगत खाएर मारेर छोडेको छ । पहिले पनि सो क्षेत्रमा वनमा चर्न गएका बाख्रा बाघले मार्ने गरेको थियो ।

---