दार्चुलामा भिरबाट लडेर एक पुरुषको मृत्यु

दार्चुला- दार्चुलामा भिरबाट लडेर एक पुरुषको मृत्यु भएको छ ।

जिल्लाको मार्मा गाउँपालिका-३ पारखडाका ३२ वर्षका जगतसिंह धामी सोही ठाउँस्थित रिठाईनीको भिरमा शनिबार दिउँसो मृत अवस्थामा फेला परेका थिए ।

---

धामीको सुनचन्ना भन्ने ठाउँबाट घर फर्कँदै गर्दा उक्त भिरमा लडेर मृत्यु भएको हुनसक्ने प्रहरीले जनाएको छ । घटनाको बारेमा थप अनुसन्धान भइरहेको इलाका प्रहरी कार्यालय लटिनाथले जनाएको छ ।