रुस-युक्रेन युद्धको दुई वर्ष : युद्ध तत्काल अन्त्य गर्न आह्वानसहित विभिन्न जिल्लामा प्रदर्शन

काठमाडौँ- सन् २०२२ को फेब्रुअरी २४ मा रुसले युक्रेनमाथि आक्रमण गरेपश्चात सुरु भएको रुस-युक्रेन युद्ध दुई वर्ष पुगेको छ । कहालि लाग्दो युद्ध तत्काल अन्त्य गर्न रुसलाई पुन: आग्रह गर्दै २३ फेब्रुअरी अर्थात २०८० फागुन ११ गते मानव अधिकार तथा शान्ति समाजका जिल्ला शाखाहरूले काठमाडौँ, दाङ, संखुवासभा, चितवन, इलाम र ललितपुर जिल्लामा प्रदर्शन गरेका छन् ।

यसैगरी मानवीय युद्धविराम घोषणा गरि तत्काल युद्ध रोक्न इजरायललाई आग्रह गरिएको छ । प्रदर्शनमा रुस अति भयोः युद्ध तत्काल अन्त्य गर, युक्रेनमाथि आक्रमण बन्द गर, रुसः युद्ध रोक, शान्ति रोज, रुसी सेनामा नेपालीलाई भर्ती गर्ने र युद्धमा प्रयोग गर्ने कार्य बन्द गर, रुस-युक्रेन युद्धको दुई वर्षः उपलब्धि ध्वंस र विनाश मात्र, इजरायलः तत्काल युद्धविराम गर, इजरायलः मानवता विरुद्धको अपराध बन्द गर, हमासः आतंकवाद बन्द गर, हमासः विपिन जोशी लगायत बन्धक बनाएका सबैलाई बिनासर्त रिहा गर, इजरायल–हमास युद्धको १२८ दिनः सभ्यता लज्जित, मानवता पराजित लेखिएका प्लेकार्ड प्रदर्शन गरिएको थियो ।

---

यस्तै शान्ति समाजका अन्य जिल्ला शाखाहरूले पनि फागुन ११ गते साँझ प्रदर्शन गर्दैछन् ।