समाज

रौतहटमा ४ किलो गाँजासहित एकजना पक्राउ

इकागज |
फागुन १३, २०८० आइतबार १६:४४ बजे

रौतहट -  रौतहटको पश्चिम उतरिभेग गुजरा नगरपालिकास्थित लालबकैया नदीको बाँधबाट ४ किलो ग्राम लागुऔषध गाँजासहित एकजना पक्राउ परेका छन्।

गाँजासहित पक्राउ पर्नेमा बाराको करैयामाई गाउँपालिका- १ हरैया टोलका ३५ वर्षीय हबीब अन्सारी रहेका रौतहट प्रहरी प्रमुख एसपी महेन्द्र कुमार श्रेष्ठले बताएका छन्।


विशेष सूचनाको आधारमा गुजरा- ४  लाल बकैया नदीको बाँधमा आइतबार दिउँसो जिल्ला प्रहरी कार्यालय र प्रहरी चौकी हरिनगरको संयुक टोलीले  चेकजाँचको क्रममा पैदल यात्री अन्सारीको झोलाबाट ४  किलोग्राम लागुऔषध गाँजा बरामद भएको एसपी श्रेष्ठले जानकारी दिएका छन् ।

पक्राउ परेका अन्सारी गाँजासहित इलाका प्रहरी कार्यालय लक्ष्मिनियाँ विजयपुरको हिरासतमा रहेका र कानुनी कारबाही प्रक्रिया अगाडि बढाइएको जिल्ला प्रहरी कार्यालय रौतहटले जारी गरेको सूचनामा उल्लेख गरिएको छ।

पछिल्लो समय मकवानपुरको विभिन्न स्थानबाट तस्करले लुकाइ छिपाई लागूऔषध गाँजा ल्याएर सीमावर्ती भारतीय बजारहरूमा पुर्‍याउने गरेकाे  प्रहरीकाे भनाइ छ ।

 


Author

थप समाचार
x