पुण्य गौतम र युवराज सफल त्रिवि शिक्षण अस्पतालबाट पक्राउ

काठमाडौँ- त्रिवि शिक्षण अस्पतालबाट युवराज सफल र पुण्य गौतमलाई प्रहरीले पक्राउ गरेको छ ।

त्रिवि शिक्षण अस्पतालको पोस्टमार्टम भवनअगाडि प्रदर्शन गर्न पुगेका उनीहरूलाई प्रहरीले पक्राउ गरेको काठमाडौँ प्रहरी परिसरका एसपी नवराज अधिकारीले इकागजलाई जानकारी दिए । उनीहरूलाई नियन्त्रणमा लिएर महाराजगञ्ज वृत्तमा राखिएको एसपी अधिकारीले बताए । 

---

चितवनबाट त्रिवि शिक्षण अस्पतालमा पोस्टमार्टम गर्न ल्याएको बालिकाको शवलाई लिएर उनीहरूले प्रदर्शन गरिरहेकाले नियन्त्रणमा लिनु परेको एसपी अधिकारीको भनाइ छ । 

गत शनिबार चितवनस्थित एकता शिशु निकेतन स्कुलको होस्टेलमा मृत भेटिएकी शालिनको शव पोस्टमार्टमका लागि काठमाडौँ ल्याइएको थियो ।