सवारी दुर्घटनामा मृत्यु

धनकुटा- धनकुटामा आज अपरान्ह भएको सवारी दुर्घटनामा एक जना बालिकाको मृत्यु भएको छ भने अन्य छ जना घाइते भएका छन् । 

हिलेबाट पाख्रिबासतर्फ गइरहेको पिकअप भ्यान दुर्घटना हुँदा घटनास्थलमा नै एक बालिकाको मृत्यु भएको जिल्ला प्रहरी कार्यालय धनकुटाले जनाएको छ । घाइतेमध्ये चार जनाको अवस्था गम्भीर छ । उनीहरूलाई थप उपचारका निम्ति धरानस्थित बिपी कोइराला स्वास्थ्य विज्ञान प्रतिष्ठान पठाइएको छ ।

---

प्रहरीले मृतक र घाइतेको परिचय सार्वजनिक गरेको छैन ।