अफिम जस्तो देखिने पदार्थसहित एकजना पक्राउ

काठमाडौँ- चितवन प्रहरीले लागूऔषध अफिम जस्तो देखिने पदार्थसहित एक जनालाई पक्राउ गरेको छ ।

कालिकोट जिल्ला पचालझरना बस्ने केशब बमको साथमा अफिम जस्तो देखिने कालो पदार्थ देखिने २ किलो ३० ग्राम र नगद २ लाख १६ हजार ५ सय फेला परेको पत्रकार सम्मेलनमा जिल्ला प्रहरी कार्यालय चितवनका प्रमुख एसपी भावेश रिमालले जानकारी दिए । बमलाई भरतपुर नगर पालिका १० चौबिस कोठीस्थित पूर्व पश्चिम राजमार्गको सडक खण्डमा सार्वजनिक सवारीबाट ओर्लिएर शंकास्पद रूपमा हिँड्दै गरेको अवस्थामा पक्राउ गरेको उनले बताए ।

---

बमलाई जिल्ला अदालतमा लागूऔषध ओसारपसारको कसुरमा म्याद थप गरी अनुसन्धान भई रहेको प्रहरीले जनाएको छ । जिल्ला प्रहरी कार्यालय चितवनले चितवनबाट विभिन्न समयमा हराएका मोबाइल फोनहरू पनि सम्बन्धित पक्षलाई बुझाएको छ । उक्त अवसरमा ३२ थान मोबाइल फेला पारी सम्बन्धित पक्षलाई बुझाएको हो ।