त्रिशुलीमा बस खस्यो : ६ जनाको मृत्यु

काठमाडौँ- लुम्बिनीबाट काठमाडौँ आउँदै गरेको लु २ ख २१२१ नम्बरको यात्रुवाहक बस त्रिशुली नदीमा खसेको छ । काठमाडौँ आउँदै गरेको बस आज बिहान करिब ५ बजे धादिङको गजुरीको घाटबेशीस्थित त्रिशुली खोलामा खस्दा ६ जनाको मृत्यु भएको छ । 

गजुरीका प्रहरी नायव उपरीक्षक (डीएसपी) मदन कुँवरका अनुसार उद्धार कार्य जारी रहेको र थप विवरण आउन बाँकी छ ।

---

दुर्घटनामा २७ जनाभन्दा बढी घाइते भएका छन् । घटनास्थलमा नेपाल प्रहरी, सशस्त्र प्रहरी, नेपाली सेना तथा स्थानीयले  स्थानीयले उद्धार गरिरहेका छन् ।

सशस्त्र प्रहरी, विपद् व्यवस्थापन तालिम शिक्षालय कुरिनटार चितवनको टोली पनि उद्धारमा आइपुगेका छन् ।

बसचालक रुपन्देही लुम्बिनी संस्कृति नगरपालिका–९ का ३८ वर्षीय हरिराम हरिजनलाई प्रहरीले नियन्त्रणमा लिएको छ । मृतकको सनाखत हुन बाँकी रहेको जनाइएको छ ।