सेनाका पूर्वपाइलट बिष्टको मृत्यु

धनगढी- सुदूरपश्चिमको बैतडीस्थित पुर्चौडीको कालागाउँ पुर्ख्यौली घर भएका नेपाली सेनाका एक पाइलट एवं पूर्वकर्नेल (रिटार्यड) को मृत्यु भएको छ ।

काठमाडौँमा बस्दै आएका पूर्वकर्नेल सुवर्ण बिष्टको आज मृत्यु भएको हो । विष्टको हृदयघात भएर मृत्यु भएको बताइएको छ । उनी बिहान आफैँ गाडी चलाएर अस्पताल गएका थिए ।

---

उनी नेपाली सेनाको सुदूरपश्चिमबाट पाइलट हुने पुराना पाँच जनामध्ये एक हुन् । उनी नेपाली सेनाका सिनियर क्याप्टेन अवकाश प्राप्त महासेनानी (फुल कर्णेल) हुन् । उनको आज राति पशुपति आर्यघाटमा दाहसंस्कार गरिने बताइएको छ ।