काठमाडौँमा जापानी फिल्म फेस्टिभल र जापान डे आयोजना हुँदै

काठमाडौँ- जापानी फिल्म फेस्टिभल र जापान डे आयोजना काठमाडौँमा सुरु हुँदै छ । जापानी दूतावास र जापान फाउन्डेसनको आयोजनामा उक्त फेस्टिभल हुन लागेको हो ।

चैत २ र ३ गते काठमाडौँको राष्ट्रिय नाचघर र चैत ७ र ८ गते जापानी दूतावासको हलमा जापानी चलचित्र देखाइने छ । राष्ट्रिय नाचघरमा कि अफ लाइफ, टाइम स्कुप हन्टर, सिओरी, नेको निन्जा, कामोमी डिनर देखाइने छ । त्यस्तै चैत ३ गते राष्ट्रिय नाचघरमा जापान डे पनि मनाइने छ भने सांस्कृतिक कार्यक्रममा किमोनो युकाटा, ह्यापी कोट, कालीग्राफी, ओरिगामीलगायत जापानको संस्कृति झल्काउने स्टल राखिने छन् ।

---