दुर्गा प्रसाईका बडीगार्ड हतियारसहित पक्राउ

काठमाडौँ- सर्वोच्च अदालत परिसरबाट मेडिकल व्यवसायी दुर्गा प्रसाईंका दुई जना बडिगार्ड हतियारसहित पक्राउ परेका छन्। सोमबार दिउँसो सर्वोच्च अदालत पुगेका दुई जनालाई पक्राउ गरिएको जिल्ला प्रहरी परिसर काठमाडौँका एसपी नवराज अधिकारीले इकागजलाई जानकारी दिए। 

पक्राउ पर्नेमा दीपक खड्का र रामकुमार धिमाल रहेको अधिकारीले बताए । सर्वोच्च अदालत प्रवेश गर्ने क्रममा उनीहरूको साथबाट बन्दुक भेटिएको थियाे । ‘ठूले स्वीडेन’ लेखिएको कालो रंगको झोलाभित्र स्वचालित हतियार एउटा, सानो दुई वटा म्यागजिन, दुई वटा ठूलो म्यागजिन, एउटा म्यागजिन होल्डर, १०० राउण्ड गोली पनि बरामद भएको छ ।

---

उनका अनुसार बरामद भएको हतियार जिल्ला प्रशासन कार्यालय झापाबाट इजाजत प्राप्त भएको प्रहरीले जानकारी दिएकाे छ । यसबारे प्रहरीले आवश्यक अनुसन्धान गरिरहेको छ ।