तिला नदीमा एक किशोर बेपत्ता

कालीकोट- कालीकोट जिल्लाको तिलागुफा नगरपालिका-६ स्थित तिला नदीमा एक किशोर बेपत्ता भएका छन् । विद्यालयबाट आएर तिला नदीमा माछालाई झरिउला हाल्न गएका अन्दाजी १५ वर्षीय गणेश शाही नदीमा बेपत्ता भएका हुन् । 

उनीसँगै नदीमा माछालाई झरिउला हाल्न गएका साथीका अनुसार ढुङ्गामा चिप्लिएर गणेश बेपत्ता भएका हुन् । चिप्लिएको ठाउँदेखि तलसम्म बचाउन गुहार गरिरहेका थिए । तर, नदी निकै खोँच परेकाले बेपत्ता भएका हुन् । 

---

प्रहरी चौकी गाल्जेका गगन रावतले तिर्थबहादुर शाहीका छोरा बेपत्ता भएको र उनको खोजी भइरहेको बताए । नदीमा प्रहरी चौकी खल्ला र गाल्जेको टोलीसहित स्थानीयले किशोरको खोजी गरिरहेका छन् । बेपत्ता किशोर कालिका माध्यमिक विद्यालय खल्लामा कक्षा ९ मा अध्ययनरत थिए ।