शनिबार नुवाकोटका यी स्थानमा विद्युत् आपूर्ति बन्द हुने

काठमाडौँ- नुवाकोटको सदरमुकाम आसापास रहेका क्षेत्रमा शनिबार विद्युत् आपूर्ति बन्द हुने भएको छ ।

नेपाल विद्युत प्राधिकरण नुवाकोट वितरण केन्द्रका अनुसार त्रिशुली सबस्टेसनमा रहेको पीटी तथा ब्रेकरहरू मर्मत सम्भार गर्नुपर्ने भएकाले वितरित सम्पूर्ण ११ के.भी. फिडरहरू विद्युत् सेवा अवरुद्ध हुन लागेको हो ।

---

विदुर न.पा., किस्पाङ गा.पा. र म्यागङ गा.पा. का सम्पूर्ण भागहरू साथै लिखु र सुर्यगढी गा.पा. लिखु र सुर्यगढी गा.पा. का केही भागहरूमा विद्युत् आपूर्ति बन्द हुने केन्द्रले जानकारी दिएको छ ।

शनिबार बिहान ८:०० देखि दिउँसो १:०० बजेसम्मका लागि बन्द हुनेछ । यसबाट पर्न जाने असुविधाप्रति नेपाल विद्युत् प्राधिकरण नुवाकोट वितरण केन्द्र खेद प्रकट गर्दै काम सम्पन्न भएपश्चात तोकिएको समय अगावै लाइन चालु हुने बेहोरा पनि जानकारी गराएको छ ।