एसईई परीक्षामा विद्यार्थीलाई चिट चोराउने शिक्षक गार्ड पक्राउ

रौतहट- जिल्ला प्रशासन कार्यालय रौतहटले एसईई परीक्षामा विद्यार्थीलाई चिट चोराउने एक जना शिक्षक गार्डलाई पक्राउ गरेको छ ।

रौतहटको मौलापुर नगरपालिका वडा नम्बर ३ गम्हरिया घर भएका र सोही स्थानमा रहेको श्री प्राथमिक विद्यालय गम्हरियामा कार्यरत शिक्षक राम अमोदप्रसाद यादवलाई मोबाइलमार्फत विद्यार्थीलाई चिट चोराउन सहयोग गरेकोमा पक्राउ गरेको हो ।

---

शिक्षक यादवलाई नियन्त्रणमा लिई आवश्यक कानुनी प्रक्रिया अगाडि बढाइएको जिल्ला प्रहरी कार्यालय रौतहटले जनाएको छ । अहिले सबैभन्दा बढी मधेशका जिल्लाहरूका एसईई परीक्षामा चिट चोराउनेदेखि प्रश्न पत्र बाहिरिने गरेका घटनाहरू सार्वजनिक हुँदै आएको छ ।