२०८१ सालमा यी राशीको चम्किनेछ भाग्य

श्री गणेशाय नमः 

यस वर्ष श्री शालिवाहनीय शाके १९४६, ईश्वी संवत २०२४, २०२५, नेपाल संवत ११४४, ११४५ विक्रम संवत २०८१ साल राजा मंगल, मन्त्री शनी, कालयुक्त नामक संवत्सर रहेको छ । कालयुक्त नामक संवत्सरको स्वामी शिव हुन् । यसकारण यस वर्ष सबै प्राणीहरुले आँटेको कार्य पुरा गर्न सहज रहनेछ तर राजा मंगल र मन्त्री शनी रहनाले देशमा झगडा, द्धन्द र विवाद अत्याधिक बढ्न सक्छ । शनि र मंगलले गर्दा सरकारभित्र नै दुई मतको सिर्जना हुनसक्ने देखिन्छ । यसको प्रभाव आम जनमानसमा पनि पर्न सक्छ । यस वर्ष जल संख्या ९६ र भूमि जल संख्या १९ रहनेछ । जन्मको अनुपातमा मृत्यु अत्याधिक रहनेछ । कृषकको लागि नराम्रो हुने छैन । रोगव्याधिले गर्दा मानिस तथा पशुमा प्रभाव पर्नेछ । व्यवसायीको लागि खासै राम्रो रहने छैन । यस वर्षको सबै राशिको वैदिक राशिफल यसप्रकार रहनेछ । 

---

मेष (चु, चे, चो, ला, लि, लु, ले, लो, अ) :
यो वर्ष समय शुभ छ । पारिवारिक सम्बन्ध सुदृढ बन्नेछ । व्यापार र व्यवसायका क्षेत्रमा उन्नति प्रगतिको वातावरण बन्नेछ । जग्गा जमिनको कारोबार गर्दा राम्रो प्रतिफल आउन सक्छ । सामाजिक क्षेत्र र नोकरीबाट मानसम्मान मिल्नेछ । विदेशको काममा सफलता मिल्न सक्छ । खर्च भने बढ्न सक्छ । वैशाखमा मन परिवर्तन हुनसक्छ । पारिवारिक समन्वय तथा सद्भाव बढ्नेछ व्यापार र व्यवसायमा वृद्धि हुनेछ । पढाई लेखाइमा सन्तोषजनक प्रगति हुनेछ । जेठ, असारमा आम्दानीको वृद्धि हुनेछ । असोज, माघ र फागुन महिना शुभ फलदायक रहने छ ।

वृष (इ, उ, ए, ओ, बा, बि, बु, बे, बो) :
यो वर्ष समय मध्यम छ । नयाँ ठाउँमा आर्थिक लगानी गर्दा ध्यान दिनुहोला । काममा ढिलाई हुनसक्छ । प्रेममा अनावश्यक मन मुटावबाट बच्नुहोला । पारिवारलाई समय दिनुहोला । असोजबाट तपाईंमा ऊर्जा थपिनेछ । हतारमा निर्णय नगर्नुहोला । प्रेमी प्रेमिकाबीच सम्बन्धमा सुधार आउनेछ । कृषि काममा फाइदा मिल्नेछ । सामाजिक काममा सहभागी हुने अवसर मिल्नेछ । साउन, मंसिर, फागुन र चैत्र महिना शुभ फलदायक रहनेछन् ।

मिथुन (का, कि, कु, घ, ङ, छ, के, को, ह) :
यो वर्ष समय ठीकै छ । कहिलेकाँही मनमा उत्साह र उमङ्गको कमी देखिन सक्छ । सवारी चलाउँदा वा संकटमा ध्यान दिनुहोला । राज्यपक्ष र सरकारी काममा विलम्ब हुनेछ । सामाजिक प्रतिष्ठा कायम राख्न थोरै बोलेको राम्रो हुन्छ । प्रेम तथा परिवारमा विवादबाट बच्नुहोला । सामाजिक कार्यमा सफलता मिल्नेछ । शत्रुहरू पराजित हुनेछन् । अध्ययन अध्यापनमा रूची बढ्नेछ । घरायसी काममा विवाद बढ्नेछ । वैशाख, भदौ, मंसिर, फागुन र चैत्र महिना शुभ फलदायी रहनेछ ।

कर्कट (हि, हु, हे, हो, डा, डि, डु, डे, डो) : 
यो वर्ष समय शुभ छ । परिवारजनको साथले नयाँ आशा पलाउने छ । प्रेम तथा दाम्पत्य सुखमा रमाउने समय छ । रमाइलो यात्रा गर्ने अवसर प्राप्त हुनेछ । एउटै कामबाट दोहोरो लाभ मिल्नसक्छ । खुसी परिवारबाट मिल्नेछ । साझेदारी काममा फाइदा मिल्नेछ । वैदेशिक काममा लाभ मिल्नेछ । सोचेको आँटेको काममा सफलता मिल्नेछ वैशाख, जेठ, असोज र चैत्र महिना सुभ फलदायी रहनेछ ।

सिंह (मा, मि, मु, मे, मो, टा, टि, टु, टे) :
यो वर्ष समय ठिकै छ । अध्ययनमा मन जानेछ । कार्यमा आलस्यता आउनसक्छ । संकटको सामना गर्दै उपलब्धी हासिल हुनेछ । कडा मेहनतपछि गरिएको कामबाट लाभ हुने सम्भावना छ । शत्रुपक्ष सकृय हुनेछन् । प्रेम तथा परिवारमा अनावश्यक जिद्धी नगर्नुहोला । औद्योगिक क्षेत्रमा सफलता मिल्नेछ । नोकरीमा पदोन्नतिको योग रहेको छ । असोजपछि स्वास्थ्यमा सुधार आउनेछ । जेठ, असार, कात्तिक र माघ महिना सुभ फलदायी रहनेछन् ।

कन्या (टो, प, पि, पु, ष, ण, ठ, पे, पो) : 
यो वर्ष समय राम्रो छ । मनमा सामान्य चिन्ता भए तापनि दाम्पत्य जीवन सुखद् तथा समृद्ध बन्ने देखिन्छ । आम्दानी प्रशस्तै बढ्न सक्छ । सन्तानबाट सुख प्राप्त हुनसक्छ । विपरीत लिङ्गी मित्रसँग मन फुकाएर आफ्ना कुरा राख्न सकिने समय छ । काममा केही चुनौतिको सामना गर्नुपर्नेछ । प्रयासहरू सकारात्मक रहनेछन् । पारिवारिक सम्बन्धमा सुधार आउनेछ । असार, साउन, फागुन र चैत महिना शुभ फलदायी रहनेछन् ।

तुला (र, रि, ?, रे, रो, ता, ति, तु, ते) :
यो वर्ष समय मध्यम छ । परिवारिक माहोल राम्रो रहनेछ । प्रेममा अनावश्यक विवाद हुनसक्छ । शिक्षामा मन नजान सक्छ । स्वास्थ्यमा ध्यान दिनुहोला । साझेदारी व्यापारमा सफलता मिल्नेछ । पढाई लेखाइमा प्रगति हुनेछ घरायसी काममा रूची बढ्नेछ । दाम्पत्य जीवन सुखमय बित्नेछ । साउन, कात्तिक, पुस र चैत महिना सुभ फलदायी रहनेछन् । 

वृश्चिक (तो, ना, नि, नु, ने, नो, या, यि, यु) : 
यो वर्ष समय राम्रो छ । पराक्रम बढ्नेछ । श्रमको उचित मूल्याङ्कन हुनेछ । पढाइमा प्रगति हुनेछ । मिष्ठान्न भोजनको अवसर प्राप्त हुने योग छ । प्रेममा सफलता हुनेछ । अध्ययन अध्यापनमा सुधार आउनेछ । मान्यजनको सहयोग प्राप्त हुनेछ । समाजमा बोलीको प्रभाव बढ्नेछ । साझेदारी काममा समस्या आउन सक्छ । समग्रमा राम्रो छ । वैशाख, भाद्र, आश्वीन र माघ महिना शुभ फलदायी रहनेछ ।

धनु (ये, यो, भ, भि, भु, ध, फा, ढ, भे) : 
यो वर्ष समय मध्यम छ । स्वास्थ्यमा सामान्य समस्या आउन सक्छ । बोल्दा विचार पुर्‍याउनुहोला । मनमा चिन्ता रहनेछ । प्रेम तथा परिवारमा विवाद हुन सक्छ, सतर्क हुनुहोला । नोकरीमा पदोन्नति हुनेछ । राजनीतिमा आफ्नो बर्चस्व बढाउन सकिनेछ । रोकिएका अधुरा पुरा हुनेछन् । जेठ, असार, माघ र फागुन महिना सुभ फलदायी रहनेछन् ।

मकर (भो, ज, जि, खि, खु, खे, खो, गा, गि) : 
यो वर्ष समय राम्रो छ । प्रतिस्पर्धामा विजयी हुने योग छ । कार्यक्षेत्रमा अरूले गरे भनेका कुरामा चित्त नबुझ्न सक्छ, प्रेम तथा पढाईमा आज राम्रो छ । रमाइलो यात्राको छ । स्वास्थ्य सबल रहने छ । काममा संघर्ष हुनेछ । खर्च बढ्न सक्छ । बौद्धिक काममा सफलता मिल्नेछ । पराक्रम बढ्नेछ भने रोकिएका कामहरु सुचारू हुनेछन् । लेनदेनमा विवादबाट बच्नुहोला । असार, असोज, कात्तिक, मंसिर र चैत्र महिना शुभ फलदायी रहनेछन् ।

कुम्भ (गु, गे, गो, सा, सि, सु, से, सो, द) :
यो वर्ष समय मध्यम छ । मेहनतको फल मिल्नेछ । पारिवारिक सुख मिल्नेछ । प्रेम तथा साथिभाईबाट सहयोग मिल्न सक्छ । स्वास्थ सुधार हुनेछ । पुरानो समस्याको समाधान हुनेछ । पारिवारिक सद्भाव बढ्नेछ । साथीभाईसँग विवादबाट बच्नुहोला । धेरै खर्चबाट बच्नुहोला । अध्ययनमा सफलता मिल्नेछ । साझेदारी व्यवसायमा विवादबाट बच्नुहोला । मन कमजोर हुनसक्छ । आवेगमा विवेकले कार्य गर्नुहोला । वैशाख, असार, मंसिर, पुस महिना सुभ फलदायी रहनेछन् ।

मीन (दि, दु, थ, झ, ञ, दे, दो, च, चि) : 
यो वर्ष समय ठिक छ । आँट र साहस बढ्नेछ । कार्य पुर्ण हुनसक्छ । बौद्धिकताको वृद्धि हुनेछ । प्रेम तथा परिवारमा शान्ती मिल्नेछ । दाम्पत्य जीवन सुखद रहनेछ । स्वास्थ्यमा केहि समस्या आउनसक्छ । सामाजिक र धार्मिक काममा व्यस्त रहनु शुभ हुनेछ । अध्ययनमा सफलता, धनमा संघर्ष हुनसक्छ । मुद्धा मामिलाबाट बच्नुहोला । जेठ, भाद्र, पौष, माघ महिना सुभ फलदायी रहनेछन् ।