कक्षा १२ को परीक्षा दिएर फर्किँदै गर्दा छात्रामाथि गोली प्रहार

काठमाडौँ- झापाको दमकमा एक छात्रामाथि गोली प्रहार भएको छ ।

शुक्रबार स्थानीय हिमालय माध्यमिक विद्यालय दमकबाट १२ कक्षाको परीक्षा दिएर फर्किँदै गर्दा एनिका अधिकारीमाथि गोली प्रहार भएको हो । उनी उदयपुर घर भई दमकमा डेरा गरी बस्दै आएकी थिइन् ।

---

उनको पेटमा एक राउन्ड गोली लागेको बताइएको छ । अहिले उनको लाइफ लाइन अस्पतालमा उपचार भइरहेको छ ।

गोली चलेको विषयमा घटना बुझ्न प्रहरी टोली अस्पताल पुगेको इलाका प्रहरी कार्यालय दमकले जनाएको छ । अहिले घटनाको विस्तृत विवरण आइसकेको छैन ।