चितवन र नवलपरासीको तटीय क्षेत्रका बासिन्दालाई सतर्कता अपनाउन विभागको आग्रह

काठमाडौँ : जल तथा मौसम विज्ञान कार्यालयले नारायणी नदी देवघाट जलमापन केन्द्रमा जल सतहले सतर्कता तह पार गरेको र पानी बढ्दो क्रममा रहेकाले सतर्कता अपनाउन आग्रह गरेको छ । कार्यालयले सूचना जारी गर्दै चितवन र नवलपरासीको तटीय क्षेत्रमा हुनेहरूले भोलि बिहानसम्मै उच्च सतर्कता अपनाउन आग्रह गरेको हो । 

'नारायणी नदी देवघाट जलमापन केन्द्रमा जलसतहले सतर्कता तह पार गरेको र बढ्दो क्रममा छ। नारायणी जलाधारमा भारी बर्षा भएको र थप बर्षा हुने पुर्वानुमान रहेकाले जलसतह खतरा तह आसपास पुग्‍ने देखिन्छ। चितवन र नवलपरासीको तटीय क्षेत्रमा हुनेहरूले भोली बिहानसम्मै उच्च सतर्कता अपनाऔं,' कार्यालयद्वारा जारी विज्ञप्तिमा उल्लेख छ । 

---