एसएसपी वसन्त रजौरेको प्रमुख आथित्यतामा शान्ति सुरक्षासम्बन्धी अन्तरक्रिया कार्यक्रम

काठमाडौँ- जिल्ला प्रहरी परिसर, काठमाडौँका कार्यालय प्रमुख प्रहरी वरिष्ठ उपरीक्षक वसन्त रजौरेको प्रमुख आथित्यतामा शान्ति सुरक्षासम्बन्धी अन्तरक्रिया कार्यक्रमको सम्पन्न भएको छ ।

समुदाय-प्रहरी साझेदारी अन्तर्गत सामुदायिक सेवा केन्द्र तथा सामुदायिक प्रहरी सेवा केन्द्र, इचंगुनायणको आयोजनामा सम्पन्न उक्त कार्यक्रम सामुदायिक प्रहरी सेवा केन्द्र, इचंगुनायणको केन्द्रका अघ्यक्ष प्रताप दानीको सभापतित्व सम्पन्न भएको हो ।

---

कार्यक्रममा प्रहरी वृत्त स्वयम्भुका प्र.ना.उ, ना. न.पा. ३ का वडाध्यक्ष, सशस्त्र प्रहरी कार्यदलका प्र.नि., सामुदायिक प्रहरी सेवा केन्द्रका पदाधिकारी, अभिभावक समूह, संरक्षक, सल्लाहकार, विभिन्न महिला समूहका पदाधिकारी एवं प्रतिनिधि, टोलसुधार समितिका पदाधिकारीको उपस्थिति रहेको थियो ।

कार्यक्रम नागार्जुन नगरपालिका वडा नं. ३ स्थित पिपुल्स् फ्रेन्डसिप एकेडेमी स्कुलको प्राङ्गणमा ​भएको थियो ।