सुनको सिक्री लुट्न अज्ञात समूहद्वारा युवकमाथि गोली प्रहार

काठमाडौँ- सुनको सिक्री लुट्नका लागि महोत्तरीमा अज्ञात समूहले एक युवकमाथि गोली प्रहार गरेको छ । सोमबार साँझ मोटरसाइकलमा आएका उनीहरूले  महोत्तरीको गौशाला ११ निवासी विनय महतोमाथि गोली प्रहार गरेको महोत्तरी प्रहरी प्रवक्ता सन्तु जैसवालले जानकारी दिए ।

उनका अनुसार साँझ मरहा जाँदै गरेको अवस्थामा महतोमाथि गोली प्रहार भएको हो । ३० वर्षीय महतोको कम्मरमुनि एक राउण्ड गोली लागेको छ ।​ घाइते महतोलाई उपचारका लागि जनकपुर अस्पताल लगिएको छ भने उनको अवस्था चिन्ताजनक नरहेको प्रहरीले बतायो । 

---