रौतहट प्रहरीद्वारा भारतीय माछा नष्ट

रौतहट- तस्करहरूले भारतीय बजारबाट भित्र्याएको विभिन्न केमिकल युक्त अवैध माछा रौतहटस्थित प्रहरी गस्ती टोलीले बरामद गरी नष्ट गरेको छ ।

इलाका प्रहरी कार्यालय बन्जरहाबाट खटिएको प्रहरी टोलीले  ईशनाथ नगरपालिका १ स्थितमा चेकजाँच गर्ने क्रममा अवैध भारतीय माछा बोकेको विआर ०३० ए बी ३२४८ नम्बरको मोटरसाइकल नियन्त्रणमा लिएको थियो । भारतबाट नेपालतर्फ अवैध रूपमा ल्याउँदै गरेको १५० किलोग्राम माछा स्थानीय भद्रभलादमी तथा संचारकर्मीहरूको रोहबरमा नष्ट गरिएको जिल्ला प्रहरी प्रवक्ता डिएसपी एलिजा गिरीले बताएकी छन् ।

---

जिल्ला प्रहरी कार्यालय रौतहटले भारतबाट नेपालतर्फ केमिकल युक्त माछा ल्याई बिक्री वितरण गर्न रोक लगाएको छ । भारतको आन्ध्र प्रदेशबाट अवैध रूपमा ल्याइने त्यस्तो माछा न बिग्रिन उनीहरूले प्रयोग गर्ने केमिकल मानव स्वास्थ्यका लागि अति नै हानिकारक हुने गरेको चिकित्सकहरूको भनाइ छ ।