एसएसपी नान्तीराज गुरुङ्सहित चारै प्रहरी अधिकारीले लगाए दर्ज्यानी चिन्ह

काठमाडौँ- नेपाल प्रहरी प्रधान कार्यालयले चार जना प्रहरी बरिष्ठ उपरीक्षक (एसएसपी)लाई दर्ज्यानी चिन्हद्वारा सुशोभित गरेको छ । बिहीबार प्रहरी प्रधान कार्यालयमा आयोजित एक कार्यक्रममा चारै जना प्रहरी बरिष्ठ उपरीक्षकहरू दर्ज्यानी चिन्हद्वारा सुशोभित भएका हुन् ।

प्रहरी महानिरीक्षक बसन्तबहादुर कुँवर र एआइजी भीम ढकालले बढुवा प्रहरी अधिकारीलाई एकसाथ नान्तीराज गुरुङ, श्यामकृष्ण अधिकारी, रविन्द्र रेग्मी र भीम बहादुर दाहाललाई दर्ज्यानी चिन्हबाट सुशोभित गरेका हुन् ।

---

नेपाल प्रहरी प्रधान कार्यालयले केही दिनअघि मात्र ४ जना प्रहरी उपरीक्षक (एसपी) लाई प्रहरी वरिष्ठ उपरीक्षक (एसएसपी) मा बढुवा गरेको थियो ।