काठमाडौँ महानगरको विद्यालयमा विश्वविद्यालयका गोल्ड मेडलिस्टहरूले पढाउने

काठमाडौँ- अबदेखि काठमाडौँ महानगरको सामुदायिक विद्यालयमा विश्वविद्यालयका गोल्ड मेडलिस्टहरूले पढाउने भएका छन् । शुक्रबार महानगरको नगर सभाको १५ औ अधिवेशनमा आर्थिक वर्ष २०८१/०८२ को नीति तथा कार्यक्रम प्रस्तुत गर्दै प्रमुख बालेन्द्र शाहले सामुदायिक विद्यालयमा विश्वविद्यालयका गोल्ड मेडलिस्टहरूले पढाउने व्यवस्था मिलाइने जानकारी दिए ।

‘सामुदायिक विद्यालयको रिक्त शिक्षक पदमा करार सेवामा शिक्षण गर्न प्रबन्ध मिलाइन्छ,’ उनले भने । काठमाडौँलाई अन्तर्राष्ट्रिय शैक्षिक गन्तव्यको रूपमा विकास गरी विदेशी विद्यार्थीलाई आकर्षित गरिने उनले बताए ।

---

काठमाडौँका स्थानीय पहिचान र मौलिक सभ्यताका विषयहरू समेटिएको संक्षिप्त पाठ्यक्रम तयार गरिने  शाहको भनाइ छ । कक्षा ११ र सो भन्दा माथिल्लो तहका विद्यालय तथा क्याम्पसहरूमा अतिरिक्त कक्षा सञ्चालन गर्न सहजीकरण गर्ने उनले उल्लेख गरे ।