चन्द्रागिरी केबलकारमा विद्युत् आपूर्ति बन्द, फसेका यात्रुको उद्धार गरिँदै

काठमाडौँ- काठमाडौँको चन्द्रागिरी केबलकारमा विद्युत् आपूर्ति बन्द हुँदा यात्रुहरू बीचमा फसेका छन् ।

बुधबार दिउँसो साढे १ बजे चन्द्रागिरी नगरपालिकास्थित केबलकारमा प्राविधिक समस्याका कारण आठ वटा डिब्बामा यात्रुहरू फसेका हुन् ।

---

उद्धार कार्य सञ्चालनमा ल्याउन विद्युत् सेवा सुचारु हुन समय लाग्ने भएकाले सशस्त्र प्रहरीको टोलीले उद्धार गरिरहेको छ । अहिलेसम्म ८ जनाको उद्धार गरिएको प्रहरीले जनाएको छ ।

केबलकारमा कति यात्रु फसेका छन् भन्ने यकिन भएको छैन । ८ वटा डिब्बामा कम्तीमा ३० जना यात्रु भएको हुनसक्ने अनुमान प्रहरीले गरेको छ ।