६५ हजार रुपैयाँसहित कञ्चनपुरमा जुवातास खेल्ने ६ जना पक्राउ

कञ्चनपुर : कञ्चनपुरमा खुद्रा पसलभित्र जुवातास खेल्ने ६ जनालाई प्रहरीले पक्राउ गरेको छ । कृष्णपुर नगरपालिका मौवाफाटमा तेजबहादुर साउँदको घरमा जुवातास खेल्ने ६ जनालाई मंगलबार प्रहरीले पक्राउ गरेको हो । 

जुवा खेलमा संलग्न ६ जनाबाट ६५ हजार रुपैयाँ बरामद गरिएको पनि प्रहरीले जनाएको छ । पक्राउ पर्नेमा पसल सञ्चालक साउद, कमलेश कार्की, गगन कार्की, प्रकाश ऐर, बिष्णु भट्ट र खगेन्द्र बोहरा रहेका छन् । 

---