गोदावरीबाट लागूऔषधसहित एक जना पक्राउ

धनगढी - कैलालीबाट एक जना लागूऔषधसहित पक्राउ परेका छन्।

गोदावरी नगरपालिका–८ का २० वर्षीय बिबेक चौधरीलाई लागूऔषध (हेरोईन) सहित पक्राउ गरेको इलाका प्रहरी कार्यालय मालाखेतीले जनाएको छ।

---

चौधरीलाई इलाका प्रहरी कार्यालय मालाखेती र लागूऔषध नियन्त्रण ब्यूरो शाखा कार्यालय धनगढीबाट खटिएको संयुक्त प्रहरी टोलीले पक्राउ गरेको हो। उनको साथबाट ३६० मिलिग्राम लागूऔषध (हेरोईन) बरामद गरिएको छ।