उपत्यकाबाट हराएका २७ मोटरसाइकल फिर्ता

काठमाडौं -  काठमाडौं उपत्यकामा हराएका २७ मोटरसाइकल र स्कुटर फेला पार्दै ट्राफिक प्रहरीले सम्बन्धित धनीलाई हस्तान्तरण गरेको छ।

ट्राफिक प्रहरी कार्यालयमा आयोजित कार्यक्रममा प्रहरी नायब महानिरीक्षक भरतबहादुर बोहराले १८ मोटरसाइकल र ९ स्कुटर धनीलाई जिम्मा दिएका हुन्। प्रहरीले प्राप्त निवेदनका आधारमा विभिन्न स्थानबाट ती सवारीसाधन फेला पारेको हो।

---

प्रहरी वरिष्ठ उपरीक्षक उमाप्रसाद चतुर्वेदीका अनुसार हराएका सवारीसाधनमध्ये धेरै नक्कली नम्बर प्लेट राखेर चलाइएको अवस्थामा भेटिए। चोरीमा संलग्न ३२ जनालाई पक्राउ गरी कारबाहीका लागि प्रहरी कार्यालय र वृत्तमा पठाइएको छ।

काभ्रे, कोटेश्वर, गौशाला, नयाँ बसपार्क, सोह्रखुट्टे, मालीगाउँ, मंगलबजार, गोकर्ण, नगरकोट, ताथली, र बुद्धनगरलगायत स्थानबाट ती सवारीसाधन बरामद गरिएको थियो।