धनगढी : बैतडीमा जीप दुर्घटना हुँदा दुई जनाको ज्यान गएको छ । सिगास गाउँपालिका–३ बाट डडेल्धुराका लागि छुटेको से १ ज ७३९ नम्बरको जीप लगनबजार नजिकै दुर्घटना हुँदा दुई जनाको ज्यान गएको हो ।

जिल्ला प्रहरी कार्यालय बैतडीका प्रहरी नायव उपरीक्षक रमेशबहादुर पालका अनुसार मृतकको सनाखत हुन बाँकी छ। दुर्घटनामा अन्य १० जना घाइते भएका छन्। अहिले प्रहरी चौकी ठाँटा र खोड्पेबाट खटिएको प्रहरी टोलीले घाइतेको उद्धार गरिरहेको छ । 

---