रहेनन् पत्रकार पुडासैनी

काठमाडौँ- पत्रकार श्यामसुन्दर पुडासैनीको निधन भएको छ । नेपाल भ्युज अनलाइनमा कार्यरत पुडासैनी शुक्रबार कोठा पुगेपछि ढलेका थिए । अन्य दिन जस्तै शुक्रबार दिउँसो पनि पुडासैनी नियमित काममै थिए ।

लगत्तै उनलाई हेल्पिङ हन्ड्स अस्पताल पुर्‍याएको थियो । अस्पताल पुर्‍याएलगत्तै पुडासैनीलाई मृत घोषित गरिएको थियो ।

---

केहि दिनअघिदेखि विरामी रहेका उनी नियमित चेकजाँच गर्दै आएका थिए । 

पुडासैनीले यसअघि प्राइभ टेलिभिजन, रेडियो अन्नपूर्ण, माउन्टेन टेलिभिजन, आज तक, हिमालयन टाइम्स डेली लगायतमा काम गरेका थिए । हाल उनी नेपाल भ्युज अनलाइन उपसम्पादकको रूपमा कार्यरत थिए ।