'टि ब्याग'को चिया खानेलाई क्यान्सरको खतरा बढी

काठमाडौँ- अहिलेको समयमा ‘टी ब्याग’ को चलन निकै बढेको छ ।

सामान्य चियापसलदेखि होटलसम्म सबै ठाउँमा 'टि ब्याग'बाट चिया दिने गरिएको छ ।

---

तर भर्खरैको अनुसन्धानले पत्ता लगाएको छ कि 'टि ब्याग'मा लाखौं हानिकारक माइक्रो प्लास्टिकहरू हुन्छन्, जसले क्यान्सरको जोखिम निम्त्याउँने देखिएको छ । यसले हाम्रो स्वास्थ्यलाई मात्र हानि पुर्‍याउँछ। यसले धेरै प्रकारका रोगहरूलाई निम्तो पनि दिने गरिएको छ ।

स्पेनमा हालै गरिएको एक अनुसन्धानले पत्ता लगाएको छ कि यी ट चिया झोलाको बाहिरी तह बनाउन प्रायः पोलिएस्टर नामक सामग्री प्रयोग गरिन्छ। जब यसलाई तातो पानीमा राखिन्छ, ठूलो मात्रामा माइक्रोप्लास्टिक र नानोप्लास्टिक्स (प्लास्टिकको धेरै सानो टुक्रा) र रेशायुक्त संरचनाहरू निस्किन्छन्। जो हाम्रो शरीरका लागि निकै हानिकारक हुन्छन् । 

आजको व्यस्त जीवनमा मानिससँग समय कम छ । यस्तो अवस्थामा मानिसहरु आफूसँग रेडिमेड चिया अर्थात 'टि ब्याग' राख्छन् ताकि उनीहरुलाई आवश्यक पर्ने ठाउँमा चिया पिउन सकून् । 

'टि ब्याग'को अत्याधिक सेवन हानिकारक हुनसक्छ किनभने यसमा पाइने ट्यानिन्स एन्टी–एब्जर्बेन्ट र एन्टी–पोषक तत्व हुन्छन्। जसले धेरै पोषक तत्वहरूलाई अवशोषित हुन दिँदैन। यसबाहेक, 'टि ब्याग'को प्रयोगका कारण यसमा रहेको माइक्रोप्लास्टिक हाम्रो शरीरको आन्द्रामा पुगेर हानि पुर्‍याउन सक्छ । साथै, यसले स्मरणशक्तिमा पनि ठूलो प्रभाव पार्छ ।

बार्सिलोनाको अटोनोमस युनिभर्सिटीका शोधकर्ताहरूका अनुसार यी कणहरू हाम्रो आन्द्राका कोशिकाहरूमा प्रवेश गर्छन् र त्यहाँबाट हाम्रो रगतमा प्रवेश गरी शरीरभर फैलिन्छन्। अन्वेषकहरूले बजारमा उपलब्ध विभिन्न प्रकारका 'टि ब्याग'हरू जाँच गर्दा तिनीहरूले माइक्रोप्लास्टिक र नानोप्लास्टिकहरू जस्तै नायलन–६, पोलीप्रोपाइलिन र सेल्युलोज फेला पारेका थिए । जो हाम्रो शरिरका लागि उपयुक्त छैनन् ।