काठमाडौंमा ‘रेन’ विज्ञान प्रदर्शनी तथा साहित्य महोत्सव २०२५ आयोजना हुँदै

काठमाडौं-रिलायन्स एजुकेशन नेटवर्कअन्तर्गत रहेको रिलायन्स इन्टरनेशनल एकेडेमी, चाबहिलले REN Science Fair Ft. Literature Fest.-2025 (4th Season) को आयोजना गर्न लागेको छ। फागुन १ देखि ३ गते (फेब्रुअरी १३-१५, २०२५) सम्म सञ्चालन हुने यस प्रदर्शनीमा विज्ञान, प्रविधि, अनुसन्धान, नवप्रवर्तन तथा साहित्यका विविध गतिविधिहरू समेटिने छन्। 

पाँच हजार विद्यार्थी लाभान्वित हुने अपेक्षा

---

यो प्रदर्शनीमार्फत करिब ५००० विद्यार्थीहरू लाभान्वित हुने आयोजकहरूको अपेक्षा छ। विज्ञान, सूचना प्रविधि, कला, साहित्य र अनुसन्धानमा रुचि राख्ने विद्यार्थीहरूलाई प्रयोगात्मक सिकाइ उपलब्ध गराउनु यसको प्रमुख उद्देश्य हो।

प्रदर्शनीमा ४९ स्टलहरू रहनेछन्, जसमा विज्ञान र सूचना प्रविधिसम्बन्धी खोज, अनुसन्धान तथा नवीनतम प्रविधिहरू समेटिएका हुनेछन्। अन्य विद्यालयस्तरीय विज्ञान प्रदर्शनीहरूका साथै Art Painting, HM Stall, Face Painting, Food Stall, Book Stall जस्ता अतिरिक्त गतिविधिहरू पनि रहनेछन्।

प्रमुख आकर्षणहरू:

कस्तूरी मृगको संरक्षण र दिगो व्यवस्थापन

तितलीहरूको संसार (फोटो ग्यालरी र स्लाइड प्रस्तुति)

स्मार्ट सिटी: सौर्य तथा वायु ऊर्जा उपयोग गरेर ३ D मोडल निर्माण

LIFI: आपतकालीन प्रतिक्रिया प्रणाली

ज्वालामुखी विस्फोटको प्रस्तुति र यसको प्रभावहरू

स्मार्ट सिंचाइ प्रणालीको प्रदर्शन

रजस्वला चक्रको वैज्ञानिक व्याख्या

साहित्यिक अन्तरक्रिया तथा विशेष कार्यक्रमहरू

कार्यक्रममा ख्यातिप्राप्त उपन्यासकार अमर न्यौपाने र उद्धव प्याकुरेलसँग विशेष अन्तरक्रिया हुनेछ। समापन समारोहअघि Reliance Singing Idol 5th Season को Grand Finale समेत आयोजना गरिनेछ।

कार्यक्रम तालिका:

उद्घाटन समारोह: फागुन १ गते, बिहान १०:३० बजे

प्रमुख अतिथि: डा. रविन्द्रप्रसाद ढकाल, सदस्य सचिव, NAST

समापन समारोह: फागुन ३ गते, दिउँसो १:३० बजे

प्रमुख अतिथि: डा. लोकबहादुर बराल, क्याम्पस प्रमुख, अमृत साइन्स क्याम्पस

नेपालका प्रतिष्ठित वैज्ञानिक, साहित्यकार, शिक्षाविद् तथा विद्यार्थीहरूको उपस्थितिमा यो प्रदर्शनी भव्य रूपमा सम्पन्न हुने अपेक्षा गरिएको छ। कार्यक्रम निःशुल्क प्रवेशयोग्य हुनेछ।