समाज

मिटर बिगारेर बढी भाडा असुल्ने ८३ टयाक्सी चालक कारबाहीमा

साउन ११, २०७८ सोमबार १९:२८ बजे

काठमाडौँ – महानगरीय ट्राफिक महाशाखाले यात्रुहरूसँग बढी भाडा असुल्ने ८३ जना टयाक्सी चालकलाई कारबाही गरेको छ । सोमबार विभिन्न ठाउँमा जाने क्रममा यात्रुलाई बढी भाडा लिएका टयाक्सीलाई कारबाही गरेको महाशाखाले जनाएको छ ।

'यात्रुसँग बढी भाडा लिने, मिटरमा जान नमान्ने, ट्याक्सीको मिटर बिगार्ने र बिग्रेको मिटर समेत समयमा नबनाउने ८३ जना ट्याक्सी चालकहरूलाई कारबाही गरिएको छ,' महानगरीय ट्राफिक महाशाखाले सामाजिक सञ्‍जाल उल्लेख गरेको छ ।

२०७८/०४/११, गतेको ट्याक्सी कारवाही बिबरण ।
----------------------------------------------
आज मिति २०७८/०४/११ गते यात्रुसँग बढी भाडा लिने, मिटरमा जान नमान्ने, ट्याक्सीको मिटर बिगार्ने र बिग्रेको मिटर समेत समयमा नबनाउने ८३ जना ट्याक्सी चालकहरु कारवाहीमा परेका छन् ।