सिन्धुपाल्चोक : वर्षाका कारण शनिबारदेखि अवरुद्ध नवलपुर–चौतारा सडक सञ्चालनमा आएको छ । इन्द्रावती गाउँपालिका वडा नं २ को बेंशीमाथिबाट पहिरो जाँदा सडक अवरुद्ध भएको हो । इन्द्रावती गाउँपालिकाबाट खटिएको प्राविधिक टोलीले सडक खुलाएको हो ।

स्थानीयवासी विष्णु भारतीका अनुसार युवाहरुले ढुंगा खोजी तलबाट पर्खाल लगाएर गाडी चल्ने बनाएका हुन् । स्थानीयवासी विष्णु भारती, रामप्रसाद गिरी, शुक्रप्रसाद आचार्य, दिपक आचार्य, नवराज थापा, राजु आचार्य, दिपक आचार्य सहितको टोलीले  दिनभर श्रम गरी सडक सञ्चालनमा ल्याएका हुन् । 

---

सडक खुलेसँगै सिन्धुपाल्चोकको ज्यामिरे, शिखरपुर, नवलपुर, बाँडेगाउँ तथा कुन्चोकवासीलाई सदरमुकाम चौतारा तथा राजधानी काठमाडौं जान सहज भएको छ ।