बलात्कारको घटना मिलापत्र गराउने प्रहरी सहायक निरीक्षक बाेगटी निलम्बनमा

कैलाली - बालिका बलात्कारको घटनमा मिलापत्र गराएको आरोपमा गोदावरी नगरपालिका ६ मा रहेको अस्थायी प्रहरी पोष्ट बडेहाका इन्चार्ज सहायक निरीक्षक दिलबहादुर बोगटी निलम्बनमा परेका छन् । 

गोदावरी ८ फकलपुरकी एक बालिकामाथि हातपात गर्दै बलात्कार प्रयास गरेको घटना साढे तीन लाखमा मिलाइएको आरोप लागेपछि बडेहामा कार्यरत प्रहरी सहायक निरीक्षक बोगटीलाई निलम्बन गरिएको छानबिन समितीका संयोजक प्रहरी नायब उपरीक्षक प्रेम शाहीले जानकारी दिए । 

---

घटनाको छानबिनका लागि समिति गठन भएको र छानबिन प्रभावित नहोस भन्‍नका लागि बोगटीलाई निलम्बन गरिएको प्रहरी नायब उपरीक्षक शाहीले बताए ।

गोदावरी नगरपालिका वडा नम्बर ८ फकलपुरका छुनुकलाल चौधरीले ११ वर्षीया बालिकामाथि हातपात गर्दै बलात्कार प्रयास गरेको आरोप लागेको थियो ।  
सो घटनालाई अस्थायी प्रहरी चौकी बड्याहा र वडा नम्बर ८ का जनप्रतिनिधिले साढे तीन लाखमा मिलाइएको आरोप लागेको थियो ।