१३ महिनापछि कोपिलाका हत्या आरोपी पक्राउ

पोखरा - कास्कीको मादी गाउँपालिका १० की कोपिला परियारको हत्यारा आरोपी रामबहादुर थापा मोटे भनेर चिनिने खड्कबहादुर खवासलाई कास्की प्रहरीले पक्राउ गरेको छ । प्रहरीले उनलाई घटनाको  भएको  १३ महिनापछि स्याङ्जा हरिनासका खवासलाई पक्राउ गरेको हो । 

 २०७७ असार २५ गते मादी मकैखोलाकी १७ वर्षीया कोपिलाको शव अर्धनग्न अवस्थामा फेला परेको थियो । असार १५ गते घरबाट निस्केकी उनको शव १० दिनपछि कुहिएको अवस्थामा फेला परेको थियो । उनको शव उठाउँदा माथिल्लो शरीरमा कुर्था थियो ।

---

कम्मरमुनि भने उनी नग्न अवस्थामा फेला परेकी थिइन् । त्यसयता परियारको बारेमा प्रहरीले अनुसन्धान गरिरहेको थियो । कोपिलाको बुवा बैदेशिक रोजगारीको लागि गएपछि आमा अर्कैसँग विवाह गरेर गइन् । कोपिलाको मानिसक स्वास्थ्य कमजोर थियो । सानैबाट उनलाई कोपिला नेपाल गैरसरकारी संस्थाले संरक्षणमा राखेको थियो । आमा बुबाको तिक्ततापूर्ण सम्बन्धका कारण मामाघरमा बसेकी उनलाई पछि संस्थामा राखिएको थियो ।