लागू औषधसहित दुई जना पक्राउ

कैलाली– जिल्ला प्रहरी कार्यालय कंचनपुर र वडा प्रहरी कार्यालयको संयुक्त गस्तिटोलीले लागू औषध खौरो हिरोइनसहित दुईजनालाई पक्राउ गरेको छ । बुधबार साँझ भिमदत्त नगरपालिका ६ बसपार्क स्थित विद्युत कार्यालय अगाडि रोकिराखेको ना. ४ ख ८२०५ नम्बरको बसभित्र बसेको अवस्थामा भिमदत्त नगरपालिका ५ का सुरेन्द्र भट्ट (३३) र सोही ठाउँका प्रकाश आउजी (२८) लाई ५ ग्राम शुन्य दशमलव ८ ग्राम लागु औषध खैरो हेरोईन, २ थान मोबाईल र नगद ४१ हजार ७० रुपैया सहित पक्राउ गरिएको जिल्ला प्रहरी कार्यालय कंचनपुरका सुचना अधिकारी एवं प्रवक्ता प्रहरी नायब उपरीक्षक (डिएसपी) शिद्धराज न्यौपानले बताए । पक्राउ परेकाहरुलाई प्रहरी हिरासतमा राखि थप अनुसन्धान भैरहेको प्रवक्ता न्यौपानेले बताए ।

---