शिवगंगा नदीको टापुमा फसेका दुई जनाको उद्धार

कैलाली – कैलालीको शिवगंगा नदीको टापुमा फसेका दुई जनालाई सशस्त्र प्रहरी टोलीले उद्धार गरेको छ । गौरीगंगा नगरपालिका ३ स्थित शिवगंगा नदीको टापुमा फसेका दुई जनालाई शुक्रबार सशस्त्र प्रहरीले उद्धार गरेको हो । 

सोही ठाउँको कुचौनी बस्ने २२ वर्षीय राजाराम सापकोटा र १८ वर्षिया आरती सापकोटा बिहीबार घाँस काँट्न गएको अवस्थामा नदीमा पानीको बहाव बढेपछि उनीहरू टापुमा फसेका थिए ।

---

यसबारे जानकारी पाउनासाथ ४३ नम्बर रिजर्व गण कैलालीबाट नायव उपरीक्षक प्रेम रावलको कमाण्डमा खटिएको विपद् व्यवस्थापन टोलीले उनीहरूको उद्धार गरेको सशस्त्र प्रहरी निरीक्षक सुमन शर्माले जानकारी दिए ।