प्रगतिशील पत्रकार संघको अध्यक्षमा दानी

काठमाडौँ – प्रगतिशील पत्रकार संघ काठमाडौं अध्यक्षमा रोशन दानी चयन भएका छन् । शनिबार सम्पन्न संघको जिल्ला भेलाले दानीको अध्यक्षतामा नयाँ कार्यसमिति निर्विरोध निर्वाचित गरेको हो । संघको उपाध्यक्षमा विपिन पोखरेल, सचिवमा लक्ष्मण बेल्बासे र कोषाध्यक्षमा किरण पाण्डे निर्वाचित भएका छन् ।

यस्तै, सदस्यमा सुमन चापागाईं, अस्मिता क्षेत्री, गणेश विक, निरुल महर्जन र लक्ष्मी चौधरी निर्वाचित भएका छन् । अध्यक्ष दानीले सञ्चारकर्मीको अधिकार सुनिश्चित गर्दै श्रमजीवी पत्रकारको पक्षमा आवाज उठाउने र श्रमको सम्मान साथै प्रेस स्वतन्त्रताको विषयमा काम गर्ने प्रतिबद्धता व्यक्त गरे ।

---