प्रदेश १ मा ३०२ सङ्क्रमित थपिए

विराटनगर-  पछिल्लो २४ घण्टाको अवधिमा प्रदेश नं १ मा ३०२ कोभिड-१९ सङ्क्रमित थपिएका छन् । सो अवधिमा एक हजार १८९ जनाको पीसीआर परीक्षण गर्दा १८५ जना तथा ५०१ जनाको एन्टिजेन परीक्षण गर्दा ११७ जनामा सङ्क्रमण पुष्टि भएको स्वास्थ्य तथा जनसङ्ख्या  मन्त्रालयले जनाएको छ । 

परीक्षणका क्रममा झापामा ७९, मोरङमा ४६, सुनसरीमा ४०, इलाममा ६, पाँचथर र धनकुटामा तीन÷तीन, उदयपुरमा दुई तथा ओखलढुङ्गा, ताप्लेजुङ, तेह्रथुम, सङ्खुवासभा, भोजपुर र खोटाङमा एक÷एक जनामा सङ्क्रमण पुष्टि भएको छ ।    प्रदेशभर ३०७ जना  सङ्क्रमणबाट मुक्त भएका छन् । दुई महिलासहित पाँच जनाको कोभिडबाट मृत्यु भएको मन्त्रालयले जनाएको छ । (रासस)
 

---