लागूऔषधसहित सशस्त्र प्रहरीद्वारा युवक पक्राउ

सर्लाही – सशस्त्र प्रहरीले विभिन्न किसिमका लागूऔषधसहित एक युवालाई पक्राउ गरेको छ । सशस्त्र प्रहरी बल नेपाल (बोर्डर आउट पोष्ट) मलंगवाबाट खटेको टोलीले कौडेना गाउँपालिका १ बस्ने २४ वर्षिय जीतेन्द्र साहलाई मलंगवा नगरपालिका ९ स्थित सीमा इलाकाबाट मंगलबार पक्राउ गरेको हो ।

शंकाका आधारमा साहलाई जाँच गर्दा उनको साथमा नाइट्राजेपाम ७ सय ८० वटा, डाइजाल्याप २० वटा र नोफिन ९ वटा फेला पारेपछि उनलाई पक्राउ गरी बरामद लागूऔषधसहित आवश्यक कारबाहीका लागि नेपाल प्रहरीलाई बुझाइएको सशस्त्रले जनाएको छ । 

---