वर्ल्ड लिंकद्वारा ट्राफिक प्रहरीलाई विद्युतीय स्कुटर हस्तान्तरण

काठमाडौँ – वर्ल्डलिंक कम्युनिकेशन लिमिटेडले ट्राफिक प्रहरीलाई विद्युतीय स्कुटर प्रदान गरेको छ । कम्पनीले आफ्नो सामाजिक उत्तरदायित्वअन्तर्गत बुधबार एक कार्यक्रमबीच वर्ल्डलिंकका कार्यकारी निर्देशक मनोज अग्रवालले महानगरीय ट्राफिक प्रहरी महाशाखाका प्रमुख प्रहरी वरिष्ठ उपरीक्षक (एसएसपी) जनक भट्टराईलाई हस्तान्तरण गरेका हुन् ।

एसएसपी भट्टराईले वर्ल्डलिंकलाई धन्यवाद दिँदै प्राप्त स्कुटरलाई सार्वजनिक सवारी साधनहरूमा छुट्याईएको आरक्षण सिट, सवारी भाडा, स्वास्थ्य मापदण्ड कार्यान्वयनको अनुगमन तथा ट्राफिक व्यवस्थापन गर्न २ जना महिला ट्राफिक प्रहरी परिचालन गरिने बताए ।  स्कुटरलाई भरपुर उपयोग गरी ट्राफिक प्रहरीको काम कारबाहीमा प्रयोग गरिने छ, यसले थप प्रभावकारी रुपमा काम गर्न सहयोग गर्ने र सडक व्यवस्थापन तथा अनुगमनमा सहजता प्रदान गर्ने विश्वास व्यक्त गरे । 

---

स्कुटरको चाबी हस्तान्तरण गर्दै वर्ल्डलिंकका कार्यकारी निर्देशक अग्रवालले दैनिक सडक प्रयोगमा हुने समस्यालाई समाधान गर्न स्कुटरको प्रयोगबाट थप सहयोगी भुमिका खेल्ने र आगामी दिनमासमेत ट्राफिक महाशाखासँग अझै सहकार्य गर्दै जाने बताए ।