त्रिशुली नदीमा पुरुषको शव फेला

चितवन – त्रिशुली नदीमा शनिबार एक युवकको शव फेला परेको छ । चितवनस्थित इच्छाकामना गाउँपालिका वडा नम्बर ४ धारापानीनजिक नदीमा शव फेला परेको हो ।जिल्ला प्रहरी कार्यालय चितवनका अनुसार नदीको पानी फिँजारिएको ठाउँमा अन्दाजी ३० बर्षीय पुरुषको शव फेला परेको हो ।

प्रहरीले सो क्षेत्रनजिक कोही मानिस हराइरहेको भए शवको पहिचानका लागि इलाका प्रहरी कार्यालय मुग्लिनमा सम्पर्क गर्न सुचना जारी गरेको छ । उनको हालसम्म सनाखत भएको छैन।

---