लागू औषध निट्राभ्टसहित कञ्चनपुरबाट दुई जना पक्राउ

कञ्चनपुर – लागू औषध निट्राभ्ट–१० को ३ सय क्याब्सुलसहित कञ्चनपुरबाट दुई जना पक्राउ परेका छन् । मंगलबार साँझ इलाका प्रहरी कार्यालय त्रिभुवन बस्तीबाट खटिएको प्रहरी टोलीले उनीहरूलाई पक्राउ गरेको हो ।

कञ्चनपुरको पुनर्बास नगरपालिका वडा नम्बर ६ मा पर्ने नेपाल भारत सीमास्थित से ७ प ६३२१ नम्बरको मोटरसाइकलमा सवार उनीहरूमाथि शंका लागि चेकजाँच गर्दा उक्त लागू औषध फेला परेको प्रहरीले जनाएको छ । पक्राउ पर्नेमा कैलालीस्थित गोदावरी नगरपालिका वडा नम्बर २ बस्ने हेमन्त भट्ट र सोही स्थान बस्ने भीम साउद छन् । उनीहरूलाई नियन्त्रणमा लिई  कानून बमोजिम थप अनुसन्धान भइरहेको प्रहरीले जानकारी दिएको छ ।

---