ब्राउनसुगर र चरेशसहित महिला पक्राउ

धनगढी - वडा प्रहरी कार्यालय कैलालीले ब्राउन सुगर र चरेससहित एक महिलालाई पक्राउ गरेको छ । विशेष सुचनाको आधारमा वडा प्रहरी कार्यालय धनगढी कैलालीबाट खटिएको प्रहरी टोलीले डडेल्धुराको अजयमेरु गाउपालिका वडा नं ४ घर भई हाल धनगढी उपमहानगरपालिका १३ राजपुर बस्ने ३४ वर्षीया आशा बिष्टलाई उनकै कोठाबाट पक्राउ गरेको हो ।

लुकाई छिपाई राखेको अवस्थामा  ९ ग्राम २७० मिलिग्राम ब्राउन सुगर र  ४४ ग्राम ७७० मिलिग्राम चरेस पनि बरामद गरिएको जिल्ला प्रहरी कार्यालय कैलालीले जनाएको छ । उनको साथबाट १२ हजार रुपैयाँ नगद, चेक र मोबाइल समेत बरामद गरिएको छ । 

---

बिष्टलाई लागूऔषध अन्तर्गत मुद्दा दर्ता गरेर थप अनुसन्धान अगाडि बढाइएको प्रहरीले जनाएको छ ।