कर्णाली राजमार्गको दैलेखमा बस दुर्घटना

काठमाडौँ - दैलेखमा बस दुर्घटना भएको छ ।  सुर्खेतबाट कालिकोट हुँदै जुम्लाका लागि छुटेको बस दैलेखमा दुर्घटना हुँदा एक जनाको मृत्यु भएको छ भने सात जना घाइते भएका छन् । कर्णाली राजमार्ग अन्तर्गत दैलेखको दुल्लु नगरपालिका १ दारेभिरमा अनियन्त्रित भएर ना ६ ख ९२२ नम्बरको बस दुर्घटना हुँदा एक जनाको मृत्यु भएको प्रहरीले जनाएको छ ।

मृत्यु हुनेमा अछाम घर भएका ७४ वर्षीय भक्तबहादुर शाही रहेका जिल्ला प्रहरी कार्यालय दैलेखका डीएसपी अनुपम श्रेष्ठले जानकारी दिए । उनका अनुसार अरु ७ जना घाइते भएका छन् । शनिबार राती ८ बजे दुर्घटना भएकाे हाे । बस दुर्घटनाको कारण खुलेको छैन । 

---