काठमाडौँ - मुगुको पिनामा बस दुर्घटना हुँदा २२ जनाको मृत्यु भएको छ । नेपालगञ्जबाट मुगुका लागि हिँडेको भे १ ख १६७ नम्बरको बस पिनामा दुर्घटना हुँदा २२ जनाको मृत्यु भएको हो ।

मुगुका प्रमुख जिल्ला अधिकारी रोमबहादुर महतले २२ जनाको दुर्घटनामा परी मृत्यु भएको सूचना आएको जानकारी दिए । उनका अनुसार घटनामा मृत्यु भएको विवरण संकलन गर्ने काम भइरहेको छ ।

---

नेपालगञ्जबाट दसैंका लागि घर हिँडेका यात्रु लिएर गमगढी जाँदै गरेको बस पिनामा दुर्घटना भएको प्रहरीले जनाएको छ । दुर्घटनामा घाइते भएकालाई अस्पताल लैजाने क्रम जारी छ । जिल्ला अस्पताल मुगुका डाक्टर तथा नर्स घाइतेको उपचारका लागि तयारी अवस्थामा छन् ।