महाकाली नदीको टापुमा फसेका ५ जनाको हेलिकोप्टरबाट उद्धार

कैलाली - कञ्चनपुरको भीमदत्त नगरपालिका ९ मसेट्टिमा महाकाली नदीको टापुमा फसेका ५ जनाको नेपाली सेनाको हेलिकप्टरले उद्धार गरेको छ । सुर्खेतबाट आएको नेपाली सेनाको पश्चिम कमाण्डको हेलिकप्टरले उनीहरुको उद्दार गरेको जिल्ला प्रहरी कार्यालय कञ्चनपुरका डिएसपी सिद्धराज न्यौपानेले बताए । 

कुखुरा फार्ममा कुरुवा बस्न गएका भीमदत्त नगरपालिका ९ मसेट्टिका एकै परिवारका ५ जना सोमबार रातिदेखि फसेका थिए। उनीहरुको १५ घण्टा पछि उद्दार भएको हो । 

---

डिएसपी न्यौपानेका अनुसार ३६ वर्षीय पुष्कर नायक, ३२ वर्षीया शान्ति नायक, १० वर्षीय अजय नायक, ४ वर्षीय बालक सुरज नायक र ५० वर्षीया गौरी खड्काको उद्दार गरिएको हो । त्यस्तै कैलालीका दुई जनाको समेत हेलिकप्टरबाटै उद्दार गरिएको छ ।