कर्णालीको बाढीमा परेर टिकापुरमा एकको मृत्यु

कैलाली - कर्णाली नदीमा आएको बाढीका कारण कैलालीको टीकापुरमा एकजनाको मृत्यु भएको छ । टीकापुर नगरपालिका ८ कालिमाटीका करवीरे ढोलीको मृत्यु भएको प्रहरीले जानकारी दिएको छ । जिल्ला प्रहरी कार्यालयका अनुसार एक्कासी नदी गाउँमा पसेपछि शारीरिक रुपमा असक्त उनलाई घरमै सुरक्षित राखेर आफन्त स्थानीय विद्यालयमा गएका थिए। घरमा पानी पसेपछि उनको ज्यान गएको हो।

---