सुदूरपश्चिममा बाढी पहिरोमा परी २८ जनाको मृत्यु, २५ जना बेपत्ता

कैलाली - सुदूरपश्चिममा बाढी पहिरोमा परी २८ जनाले ज्यान गुमाएका छन् । आइतबारदेखि परेको अविरल बर्षाका कारण प्रदेशका विभिन्न जिल्लामा आएको बाढी, पहिरो र डुबानमा परेर २८ जनाले ज्यान गुमाएको सुदूरपश्चिम प्रदेश प्रहरी कार्यालय धनगढीले जनाएको छ । 

डोटी जिल्लामा सबैभन्दा बढी मानवीय क्षति भएको छ । जहाँ १४ जनाको मृत्यु भएको छ । यसैगरी बैतडीमा ४ जना, बझाङमा ७ जना, डडेल्धुरामा २ जना र कैलालीमा १ जनाको मृत्यु भएको प्रदेश प्रहरी कार्यालयले जनाएको छ । यसैगरि बाढी पहिरोमा परेर केही घाइते भएका छन् भने प्रदेशमा अझै २५ जना बेपत्ता छन् ।

---